Oppdatering om tilskotsordningane våre hausten 2020
Mange av dykk har spørsmål rundt dei ulike støtteordningane våre no. Her kjem ei klargjering av kva som gjeld for dykk denne hausten.
![Adobe Stock 239823160](https://musikk-no.imgix.net/images/Allbruk-illustrasjoner/AdobeStock_239823160.jpeg?auto=compress%2Cformat&bg=%23FFFFFF&fit=clip&fm=jpg&q=90&w=800&s=80df51b7d67599c7cd466a0603715f86)
Konsertstøtte
Til dykk som har fått innvilga konsertstøtte for hausten 2020
Dersom de…
…har gjennomført, rapporter de på vanlig vis. Dersom de har hatt kostnadar i samband med avlysing av konserten rapporterer de som vanleg.
…ikkje gjennomførte, men vil utsette konserten til vår 2021, kan du fylle ut dette skjemaet: https://form.jotform.com/203273132708348
…avlyste, og heller ikkje vil utsette konsertstøtten, sender de berre ein e-post om det til oslo(a)musikk.no
Opplæringstilskudd (VO)
Etter nok eit spesielt halvår er tida snart inne for å registrere ferdig kurs i KursAdmin. Mange veit allereie no at dei er ferdige med øvingane for i år, og er allereie klare – dess tidlegare, dess betre!
Men – Vårkurs 2021 skal ikkje førast i KursAdmin!
Vårkurs 2021 skal nemleg førast i den nye tilskotsportalen som har vore under utvikling lenge, og er ute for testing i utvalde testfylke akkurat no. Vi beklager sterkt til dei som allereie har brukt tid på å registrere vårkurs i KursAdmin, men heldigvis gjeld det ikkje mange.
Vi i Oslo musikkråd skal bistå med hjelp til føring av kurs i det nye systemet, som skal vere betydeleg enklare for brukar enn KursAdmin. Musikkens Studieforbund har sagt at det vil vere tilgjengeleg for dykk å registrere kurs i løpet av veke 50.
Så inntil vidare - begynn å avslutte prosessen med haustkursa! Kort sagt gjeld det same som for vårkursa i år, men Musikkens Studieforbund har laga ei rettleiing på korleis ein skal rapportere haustkursa her: https://www.musikkensstudieforbund.no/nyheter/nedstenging-høst
Fristen for rapportering av haustkurs er utsatt til 8. januar 2021.
Stimuleringsmidler
Til dykk som har søkt Stimuleringsmidler, men berre delvis, eller ikkje har, gjennomført tiltaket - send oss ein e-post! I dei fleste tilfelle vil det vere mogleg å omdisponere midla til 2021, men det må godkjennast av oss.
Om de har noko som helst slags spørsmål rundt dette – send oss ein e-post!